OQO-da bıyl 296 myń adam áleýmettik kómekpen qamtylady
ShYMKENT. QazAqparat - Ońtústik Qazaqstan oblysynda bıyl ataýly áleýmettik kómektiń jańa formaty negizinde 296 myń adam áleýmettik kómekpen qamtylatyn bolady.
Al, «Halyqty jumyspen qamtý 2018-2019 jyldarǵa arnalǵan» keshendi jospary aıasynda 90 myń adamdy jumyspen qamtý kózdelip otyr, dep habarlaıdy QazAqparat tilshisi.
Ońtústik Qazaqstan oblysynyń ákimi Janseıit Túımebaevtyń aıtynsha, byltyrǵy jyly 37,7 myń adam nátıjeli jumyspen qamtý baǵdarlamasyna tartylǵan. Joǵaryda aıtylǵan keshendi jospardyń 50 paıyzy eńbekke jaramdy azamattarǵa turaqty kásip berýge baǵyttalatyn bolady. Sonyń negizinde 44 myń adamdy jumysqa tartý josparlanyp otyr.
«Bizdiń maqsatymyz - jumyssyz júrgen azamattardy arnaıy baǵdarlamamen shaǵyn kásipkerlikke tartý, oqytý. Búginde oblysta 15 kishi bıznes jobalardy ázirlep otyrmyz. ıAǵnı 44 myń adamdy shaǵyn kásipkerlikke tartý kezinde daıyn modýldi kishi bıznes jobalardy birge usynyp, odan keıin shaǵyn kásipkerlikke beıimdeýmen aınalysamyz. Bul jumyssyzdyqty azaıtýda mańyzdy shara bolǵaly tur», - dedi Janseıit Qanseıituly.
Óńir basshysy «Órleý» respýblıkalyq pılottyq jobasynyń oblysymyzda tabysty júzege asyp jatqandyǵyna da toqtaldy. Ótken jyly «Órleý» jobasy aıasynda ońtústikqazaqstandyq 17 myń otbasy 36 myń iri qara men ýaq mal alsa, 757 otbasyǵa 36 myń qus úlestirilgen. Sondaı-aq, 3 myńǵa jýyq otbasyǵa kásipkerlikpen aınalysýy úshin qajetti qural-jabdyqtar berilgen. Nátıjesinde olardyń tabysy 4,3 esege artyp, 1226 adam jeke kásipker retinde salyq organdaryna tirkelip, turmystary túzelgen.
Oblys basshysy bıyl negizgi basymdyq halyqty turaqty jumyspen qamtý máselesine bólinip otyrǵandyǵyn jetkizdi. Bul rette memlekettik jáne salalyq baǵdarlamalar sheńberinde 866 joba boıynsha 46 myń jańa jumys ornyn ashý josparda bar. Byltyrǵy jyly óńirimizde 16 myń 743 adam kásibı jáne qysqa merzimdik oqýǵa joldansa, osy azamattardyń 67 paıyzy turaqty jumysqa ornalasqan.
