OQO-da bıyl 11 myńnan astam túlek dıplom aldy
ShYMKENT. QazAqparat - Shymkentte Muhtar Áýezov atyndaǵy Ońtústik Qazaqstan memlekettik ýnıversıtetiniń «ÚZDІK TÚLEK-2017» saltanatty dıplom tapsyrý keshi ótti. Saltanatty sharaǵa oblys ákimi Janseıit Túımebaev qatysyp, joǵarǵy oqý ornyn sátti bitirgen túlekterdi quttyqtady. Jas maman ıelerine aldaǵy qadamdaryna tabys tiledi, dep habarlaıdy QazAqparat HAA tilshisi.
Búgingi merekelik sharada ýnıversıtettiń 4 myńǵa jýyq stýdenti 86 mamandyq boıynsha oqýdy aıaqtap dıplom alsa, onyń 580 túlegi qyzyl dıplom ıelendi.
«Elbasy Nursultan Nazarbaev «Bolashaqqa baǵdar: rýhanı jańǵyrý» maqalasynda: «Tabysty bolýdyń eń irgeli, basty faktory - bilim» ekenin aıryqsha atap ótti. Ońtústik bilim, ǵylym, ınnovatsııalyq damýlarda kósh bastap kele jatqan óńir. Sondyqtan bitirýshi túlekterdi jumys ornymen qamtamasyz etýde oblysqa ınvestıtsııalar tartýdy basty mindet etip qoıdym»,-dedi obdys ákimi.
75 jyldyq tarıhy bar oqý orny bıyl tolaǵaı tabystarǵa qol jetkizdi. Atap aıtar bolsaq, Qazaqstandaǵy joǵary oqý oryndarynyń reıtıngisinde ІІІ-oryndy ıelense, QS (kıýes) reıtıngisi boıynsha álemdegi 4,5 myń joǵary oqý oryndarynyń ishinde 609-dan 501-shi orynǵa kóterildi. Oqý ornyndaǵy 16 myńnan astam stýdentke 1500-den astam professor-oqytýshy, onyń ishinde 23-i akademık, 650-den astamy ǵylym kandıdattary, 170-ke jýyq ǵylym doktory sapaly bilim berýde. Jyl saıyn 700-ge jýyq stýdent pen 150-den astam oqytýshy Akademııalyq utqyrlyq baǵdarlamasy boıynsha sheteldik tanymal joǵary oqý oryndarynda bilimderin jetildirýde.
Aıta keteıik, búgingi tańda óńirdegi 12 joǵary oqý ornynda 70 myńǵa jýyq jas bilim alýda. 2017 jyly 11 myńnan astam túlek oqýyn bitirip shyǵyp, dıplomdaryn qolyna alyp otyr.
