OQO-da «Birge jarqyraımyz!» festıvali aıasynda 80 myń jemis aǵashy otyrǵyzyldy

Ondaǵy maqsat - ekologııalyq mádenıetti nasıhattaý arqyly Shymkent aımaǵyn túrlendirý, jáne bir mezette Qazaqstannyń ońtústigin organıkalyq taza jemis ónimderimen qamtamasyz etý.

38 gektar aýmaqty alyp jatqan shatqaldaǵy aǵash otyrǵyzý is-sharasyna Ońtústik Qazaqstan oblysynyń ákimi J.Túımebaev, Qazaqstandaǵy Birikken Ulttar Uıymynyń turaqty ókiliniń keńesshisi I.Gorıýnova jáne qala ákimi N.Saýranbaev qatysty.

Óńir basshysy qorshaǵan ortany saqtaýdyń mańyzdylyn túsindirip, barlyq qatysýshylarǵa sáttilik tiledi.

«Shymkent - Qazaqstannyń eń jasyl qalalarynyń biri. Bizdiń súıikti qalamyzda saıabaqtar men gúlzarlar kóp. Buǵan qosa óńirimizde biregeı «Shatqal» baǵdarlamasy júzege asyrylýda. Ol baǵdarlama megapolısimizdiń aınalasynda jasyl beldeý qalyptastyrýga múmkindik beredi. Dál qazir biz osy baǵdarlama aıasynda boı kótergen qaladaǵy 11 saıabaqtyń birinde turmyz. Aldaǵy ýaqytta osyndaı saıabaqtar damyp, Shymkent jasyl qala ataýyn odan ári nyǵaıta túsedi dep senemiz», - dedi Janseıit Qanseıituly.

Atalǵan aktsııa BUU-nyń Damý baǵdarlamasynyń qoldaýymen Qoǵamdyq mańyzy bar bastamalardy damytý qorynyń uıymdastyrýymen Astana qalasynda 30 naýryz kúni bastaý alǵan bolatyn. Іs-shara barysynda festıval estafetasy Shymkent qalasyna berildi. Osynyń aıasynda búgin aktsııa Ońtústikte «Shymkent - meniń qalam - meniń baqsham!» atty biryńǵaı uranymen ótkizilýde.

Festıvaldiń ashylýy «Birge jarqyraımyz!» ánuranymen bastalsa, jastarǵa «Energııalyq tıimdi tehnologııalar álemindegi oıyndar» kvesti uıymdastyryldy. Festıval qalanyń shyǵarmashylyq ujymdarynyń qatysýymen ótken keń aýqymdy fleshmobpen aıaqtaldy.

Sondaı-aq, Qoǵamdyq mańyzy bar bastamalardy damytý qory Qazaqstandaǵy kolledjer, mektepter men balabaqshalar úshin ekologııalyq bilim berý baǵdarlamalaryn júzege asyrmaq. Búginde atalǵan is-shara qaladaǵy birqatar bilim oshaqtarynda uıymdastyryldy.

Aıta keteıik, «Birge jarqyraımyz!» festıvaliniń estafetasy Aqtóbe qalasyna joldandy