OQO-da bir top adam tóbelesip, jeteýi pyshaq jaraqatyn aldy
ShYMKENT. QazAqparat - Ońtústik Qazaqstan oblysynda bir top adam tóbelesip, jeti adam pyshaq jaraqatyn alǵan. Keleńsiz oqıǵa Shymkent qalasyna qarasty Rabat turǵyn alabynda boldy, dep habarlaıdy QazAqparat tilshisi.
Bir aýyldyń jastary ózara janjaldasyp, máseleni tóbeles arqyly sheshpek bolǵan. Aýyl shetindegi janjal kezinde olardyń jeteýi pyshaq jaraqatyn alyp, aýrýhanaǵa jetkizildi.
«27 qazan kúni keshkisin aýrýhanaǵa pyshaq jaraqatyn alǵan jeti naýqas jetkizildi. Onyń úsheýine shuǵyl túrde ota jasaldy. Al qalǵan tórteýine kishigirim hırýrgııalyq em jasalyp, alǵashqy medıtsınalyq kómek kórsetildi. Pyshaq jaraqatyn alǵan bir jasóspirim áli jansaqtaý bóliminde jatyr. Jaǵdaıy aýyr»,- deıdi Shymkent qalalyq jedel járdem aýrýhanasynyń bólim meńgerýshisi Sábıt Baıbosynov.
Tóbeleskender 18-28 jas aralyǵyndaǵy jastar ekeni anyqtaldy. Qazir osy oqıǵa boıynsha óńirdiń tártip saqshylary tergep, tekserý sharalaryn júrgizýde.
