OQO-da bir otar qoıdy urlap, soıyp satqan barymtashylar ustaldy
ShYMKENT. QazAqparat - Ońtústik Qazaqstanda bir otar qoıdy urlaǵandar ustaldy. Barymtashylar qylmysyn 8 naýryz kúni jasaǵan, dep habarlaıdy QazAqparat HAA tilshisi.
Otyrar aýdandyq ІІB kezekshi bólimine Maıaqum aýylynyń turǵyny aryzdanǵan. Onyń sózinshe, túngi ýaqytta belgisiz bireýler kelip, qorasyndaǵy 29 qoıyn qoldy etipti. Oqıǵa ornyna barǵan polıtseıler jábirlenýshige jalpy somasy jarty mıllıon teńgeden astam zalal kelgenin anyqtaǵan. Jedel izdestirý sharalary kezinde 23 jáne 25 jastaǵy jergilikti turǵyndar qolǵa tústi. Jaýap alý barysynda qos kúdikti de óz kinálaryn moıyndady. Olar urlanǵan maldardy soıyp, etin bazarlarǵa ótkizip jibergen. Polıtseıler aıǵaqty zat retinde teriler men birneshe keli et tárkilegen. Qazirgi tańda polıtseıler kúdiktilerdiń osyǵan uqsas basqa da qylmystarǵa qatysy bar-joǵyn anyqtaýda. Atalǵan derek boıynsha Qylmystyq kodekstiń «Urlyq» babymen is qozǵalyp, tergeý amaldary júrgizilýde
