OQO-da bir mezette 1 myń dombyrashynyń kúıi oryndaldy
ShYMKENT. QazAqparat - Ońtústik Qazaqstan oblysynda bir mezette 1 myń dombyrashynyń kúıi kúmbirledi. Birlik merekesine arnalǵan jıynda jergilikti dombyrashylar Qurmaǵazynyń kúıi «Balbyraýyndy» bir yrǵaqta, tamasha oryndap shyqty, dep habarlaıdy QazAqparat HAA tilshisi.
Kúıdi oryndaýǵa óńirdiń mádenıet qyzmetkerlerimen qatar mektep oqýshylary da tartylǵan. Olar eki apta ýaqyt aralyǵynda alańǵa jınalyp, daıyndyq sharalaryn júrgizipti. Dombyrashylardyń basyn qosqan rejısser Jumabek Esimovtyń sózinshe bul ıdeıanyń avtory oblys ákimi Janseıit Túımebaev eken. Onyń usynysymen budan da kóp dombyrashylar tartý josparlanǵan. Alaıda ýaqyttyń tyǵyzdyǵyna baılanysty myń dombyrashymen shektelýge týra kelipti. 
«Kúı tartýǵa qalanyń mektepterinen 15 oqýshydan qatysady dep josparlaǵanbyz. Keıin solardyń ishinen iriktep alyp, 5 pen 10 balanyń aralyǵynda qatystyrdyq. Oqýshylardyń basym kópshiligi Oblystyq «Óner» mektebiniń shákirtteri. Qalǵany ózimizdiń mádenıet salasynyń qyzmetkerleri. Dombyranyń kúmbiri halyq múddesin bir arnaǵa buryp, ortaq oıǵa uıystyratyn rýhanı kúshke aınalatynyna senimimiz mol. Bul shara jastarymyzdyń ulttyq sezimin, halqymyzdyń otanshyldyq rýhyn nyǵaıtýdy kózdeıdi,-deıdi rejısser.
