OQO-da bir ǵasyr jasaǵan 88 qart ómir súredi
ASTANA. QazAqparat - Ońtústik Qazaqstan oblysynda jasy 100-den asqan 88 qarııa ómir súrip jatyr. Qazynaly qarttardyń basym kópshiligi Shymkentte, Maqtaaral men Sarayǵash aýdanynda turady. 100 jastan asa ómir súrip jatqan qarttardyń ishinde 70-ke jýyǵy - tyl eńbekkerleri, dep habarlaıdy oblystyq ákimdiktiń baspasóz qyzmeti.
Oblys boıynsha jyl kóleminde uzaq jasaýshy qarııalarǵa bıýdjet jáne mekemeler, demeýshiler esebinen múmkindigine qaraı bir jolǵy materıaldyq járdem men syı-sııapattar berilip turady.
Máselen, ótken 2016 jyly 77 qarııaǵa 636,7 myń teńgeniń materıaldyq qoldaýy kórsetilip, onyń ishinde jergilikti bıýdjet esebinen 86,9 myń teńge jáne demeýshiler esebinen 549,8 myń teńgege syılyqtar úlestirildi. Osy baǵyttaǵy jumystardy oblystyq Jumyspen qamtýdy úılestirý jáne áleýmettik baǵdarlamalar basqarmasy bıyl da jalǵastyratyn bolady. Búgingi urpaqqa beıbit ómir syılaǵan qazynaly qarttarǵa qurmet kórsetý - bizdiń mindetimiz.
Aıta keteıik, jalpy oblysta 215,6 myńnan astam zeınetkerler turyp jatyr.
