OQO-da bir aıdan beri iz-túzsiz joǵalǵan adamnyń máıiti sýdan tabyldy

Ordabasy aýdanyna qarasty Yqylas-Temir aýylynyń turǵyndary er azamattyń  múrdesin Tespe ózeninen alyp shyqqan, dep habarlaıdy QazAqparat tilshisi.

Oblystyq tótenshe jaǵdaılar departamenti baspasóz qyzmetiniń habarlaýynsha, aýyl turǵyndary er azamattyń máıitin  24 jeltoqsan kúni 18.00-der shamasynda taýyp alǵan. Ony 4 turǵyn men 10 polıtsııa qyzmetkeri 2 arnaıy tehnıkanyń kómegimen sýdan shyǵardy. Belgili bolǵandaı, marqumnyń 68 jastaǵy jergilikti turǵyn ekeni anyqtaldy. Ol osy jyldyń 19 qarashasynda joǵalyp ketken. Al qandaı jaǵdaıda sýǵa batqany belgisiz kúıinde qalyp otyr. Qazirgi tańda Ordabasy aýdandyq ishki ister basqarmasynyń qyzmetkerleri jumbaq ólimniń sebebin anyqtaýda.

Aıta keteıik, óńirde jyl basynan beri 33 adam sýǵa batyp ketken. Olardyń 18-i kámelet  jasyna tolmaǵandar bolyp otyr.