OQO-da «Bılerge taǵzym» atty dástúrli velosherý ótti
ShYMKENT. QazAqparat - Ońtústik Qazaqstan oblystyq soty jáne oblys ákimdigi birlesip «Bılerge taǵzym» atty dástúrli velosherýdi ótkizdi. Bul shara Memleket basshysynyń «Bolashaqqa baǵdar: rýhanı jańǵyrý» atty maqalasyn nasıhattaý maqsatynda uıymdastyryldy, dep habarlaıdy QazAqparat HAA tilshisi.
Velosherýge oblystyq, aýdandyq sottardyń sýdıalary men oblys ákimdiginiń, «Nur Otan» partııasy oblystyq fılıalynyń basshylary jáne jergilikti máslıhat depýtattary men jastar, barlyǵy 120-dan astam adam qatysty. Oblys ortalyǵynyń «Ordabasy» alańynan bastalǵan is-sharada oblys ákiminiń orynbasary Erbol Sadyr sóz sóılep, Elbasynyń «Bolashaqqa baǵdar: rýhanı jańǵyrý» atty maqalasynyń mańyzdylyǵyna toqtaldy.
Al, oblystyq sottyń tóraǵasy Nurserik Sháripov velosherýdiń bastalý tarıhyna toqtalyp, búgingi shara Memleket basshysynyń maqalasynda aıtylǵan rýhanı jańǵyrýdy iske asyrýdyń naqty bir baǵyty dep aıtýǵa bolatynyn jetkizdi. Osydan keıin velosıpedshiler jolǵa shyǵyp, respýblıkalyq «Ulttyq tarıhı-mádenı qoryǵyndaǵy» márege jetti. Olardy Ordabasy aýdanynyń basshylyǵy men aýyl turǵyndary saltanatty túrde qarsy aldy. Odan ári velosıpedshiler Ordabasy taýyndaǵy «Birlik» monýmentine jol tartty.
