OQO-da betperde kıgen qarýly qaraqshylar júk kóligin tonap ketti
ShYMKENT. QazAqparat - Ońtústik Qazaqstan oblysyndaǵy Saryaǵash-Shardara tasjolynda júk kóligine qaraqshylyq shabýyl jasalyp, júrgizýshiler mıllıon teńgeden astam aqshalarynan aıyrylyp qaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, betterine betperde kıgen belgisiz tulǵalar júk kóligin toqtatyp, júrgizýshi men jolaýshylardy qarýmen qorqytqan. Sóıtip qomaqty aqshalaryn alyp ketipti. Aýyr soqqy alǵan jábirlenýshilerdiń biri Saryaǵash aýdandyq aýrýhanasyna jetkizildi. «Jedel izdestirý sharalaryn júrgizgen tártip saqshylary osy qylmysqa qatysy bar degen eki kúdiktini ustady. Olar 25 jastaǵy jergilikti turǵyndar bolyp shyqty. Al, qaraqshylyq shabýylǵa qatysy bar úshinshi sybaılastaryna izdeý jarııalandy» delingen baspasóz qyzmeti taratqan habarlamada.
Qazirgi tańda osy oqıǵa boıynsha Qylmystyq kodekstiń 192-baby «Qaraqshylyq» boıynsha is qozǵalyp, sotqa deıingi tergeý amaldary júrgizilýde.
