OQO-da bes jasar búldirshin sýǵa batyp ketti
ShYMKENT. QazAqparat - Ońtústik Qazaqstan oblysynda bes jasar búldirshin sýǵa batyp ketti. QR ІІM Tótenshe jaǵdaılar komıteti baspasóz qyzmetiniń málimetinshe, qaıǵyly jaǵdaıdyń oryn alýyna ata-anasynyń balasyna qaramaýy sebep bolǵan, dep habarlaıdy QazAqparat tilshisi.
«21 sáýir kúni saǵat 17.50-de Maqtaaral aýdanyna qarasty Atakent aýylynda 2013 jylǵy bala abaısyzda «K-39» kanalyna batyp ketken. Oǵan búldirshinniń qaraýsyz qalýy sebep bolǵan. Balanyń denesin sol mańda ótip bara jatqan aýyl turǵyndary alyp shyqqan», - delingen habarlamada.
Osy oraıda tótenshe jaǵdaı qyzmetkerleri ata-analarǵa balalarynyń ómirine úlken jaýapkershilikpen qarap, abaı bolýdy eskertedi.
Qutqarýshylar ata-analarǵa balalardy qaraýsyz qaldyrmaýdy eskertti.
«Ońtústik óńirde kún jylynyp, shomylý maýsymy bastalmasa da balalardyń sýǵa ketýi jıilep ketti. Balanyń ómiri kez-kelgen ata-ana úshin qymbat ekeni daýsyz. Kishkentaı balalaryńyzdy qaraýsyz qaldyrmasańyzdar»,- dep málim etti tótenshelikter.
