OQO-da benzınniń baǵasy 147 -167 teńgege qymbattap ketti
ShYMKENT. QazAqparat - Ońtústik Qazaqstan oblysynda benzınniń baǵasy 147 -167 teńgege qymbattap ketti. Munyń sebebin janar-jaǵar maı satýshylar olarǵa bólinetin benzın kóleminiń azaıyp ketýimen túsindiredi, dep habarlaıdy QazAqparat HAA tilshisi.
Máselen, AI-92 benzıni oblys ortalyǵynda buǵan deıin 140-141 teńgeden satylsa, endi onyń baǵasy 147 teńgege deıin jetken. Al, AI-95 ótken aptada 158 teńgeden bolsa, qazir 166-167 teńgeden bosatylýda. Bul máselege oraı óńirdiń «Janar-jaǵar maı qaýymdastyǵynyń» tóraǵasy Qaıypbek Qambarov óz ýájin aıtady.
Onyń sózinshe, jyl saıyn osy mezgilde benzın baǵasynyń ósýi qalypty jaǵdaı, ol úshin asa daýryǵýdyń qajeti joq. Onyń ústine Atyraý munaı óńdeý zaýytynda josparly túrde kúrdeli jóndeý jumystarynyń júrgizilýi baǵanyń ózgerýine áser etken.
Qazaqstan 30-35 protsent ımportqa táýeldi. ıAǵnı, jetpegen benzınge suranys kóbeıgen soń, baǵa ózinen ózi kóteriledi.
«Janarmaı beketterine bólinip beriletin benzın azaıyp ketken soń, baǵa kóteriledi. Al, eger benzın kóp bolsa, odan baǵa túsedi. Negizi aldaǵy ýaqytta taǵy da baǵa odan da kóterilýi múmkin. Sebebi, biz baǵany kótermeımiz degenimen naryq óziniń baǵasyn belgileıdi. Baǵa bir ornynda turmaıdy ǵoı. Onyń ústine bizdiń memleket 30-35 paıyz ımportqa táýeldi»,- deıdi Qaıypbek Qambarov.
Baǵanyń kúrt kóterilýi júrgizýshilerge qıyn soǵyp tur. Óıtkeni qazir benzınniń baǵasy bir búıirinen qyssa, ekinshi jaǵynan qosalqy bólshek te qymbattap ketken.
Al, Atyraý munaı óńdeý zaýytyndaǵy josparly jóndeý jumystary qyrkúıektiń sońyna taman aıaqtalady dep josparlanyp otyr. Júrgizýshiler baǵa sol ýaqytta túsýi múmkin degen úmitte.
