OQO-da bastalǵan karate-do saıysynan el birinshiliginde 400-ge jýyq sportshy baq synasady

ASTANA. QazAqparat - Búgin Ońtústik Qazaqstan oblysynyń Joǵary sport sheberligi mektebinde Qazaq handyǵynyń 550 jyldyǵyna arnalǵan karate-do shotakan sportynan elimizdiń ashyq birinshiligi bastaldy, dep habarlaıdy OQO ákimdiginiń baspsóz qyzmetinen.

Jarystyń ashylý saltanatynda Ońtústik Qazaqstan oblysynyń ákimi Beıbit Atamqulov sóz sóılep, qatysýshylarǵa sáttilik tiledi.

Baıraqty básekede úsh jas ereksheligi boıynsha eresekter, jastar, jasóspirimder arasynda 13 oblystan jáne Qyrǵyzstan men Ózbekstan elderinen barlyǵy 394 sportshy baq synaspaq.

Qazaqstandyq sańlaqtardyń endigi basty maqsaty - Brazılııa Olımpıadasyna ótý. Osy oraıda, qazirgi tańda Ońtústik Qazaqstan oblysynyń 8 sportshysy joldamany jeńip aldy.

Aıta keteıik, karate-do shotakan - 2020 jyly Tokıoda ótetin Olımpıada oıyndarynyń baǵdarlamasyna enýge úmitker 5 sport túriniń biri.