OQO-da bankrottyq rásimder boıynsha memorandým túzildi
ShYMKENT. QazAqparat - OQO boıynsha Memlekettik kirister departamenti oblys ákimshiligimen birlese otyryp ońaltý jáne bankrottyq salasyndaǵy máseleler boıynsha semınar-keńes ótkizdi.
Sharaǵa oblystyq mamandandyrylǵan aýdanaralyq ekonomıkalyq sotynyń sýdıalary men Ádilet departamentiniń ókilderi, oblystyq jeke sot oryndaýshylar óńirlik palatasynyń ókilderi men ákimshiler, Memlekettik kirister organdarynyń qyzmetkerleri qatysty, dep habarlaıdy QazAqparat tilshisi.
Semınar-keńeste oblystyq Memlekettik kirister departamentiniń basshysy Altynsary Úmbetálıev Elbasy N. Nazarbaevtyń «Qazaqstan joly - 2050: Bir maqsat, bir múdde, bir bolashaq» atty Joldaýyna sáıkes, memleketimiz 30 damyǵan eldiń qataryna qosylý maqsatynda qabyldanǵan «Qazaqstan - 2050» strategııalyq baǵdarlamasynyń júzege asyrý joldary naqty belgilengenin aıtty. Naryqtyq ekonomıka talaptaryna sáıkes, kóptegen mekeme qyzmetkeleri qarjylaı-sharýashylyq jumys barysynda obektıvti jáne sýbektıvti sebepterge baılanysty túrli qıyndyqtarǵa kezigip, boryshkerler tarapynan tólem qabiletsizdigi syndy jaǵdaılarǵa ushyraıtynyn jetkizdi. Mundaı kezde boryshkerlerdiń tólem qabiletsizdigin jáne «Tólem qabiletsizdigin sheshý» ındıkatory boıynsha Dúnıejúzilik «Doing business» Banktiń reıtınginde Qazaqstannyń pozıtsııasyn kóterý jáne nyǵaıtý maqsatynda birneshe sharalar qolǵa alynǵandyǵyn atap ótti. Bul rette OQO boıynsha Memlekettik kirister departamenti Bankrottyq jáne ońaltý salysynda ýákiletti organ retinde ońaltý jáne bankrottyq rásimderiniń júrgizilýine memlekettik baqylaýdy júzege asyratyndyǵyn kórsetip, búginde 410 mekemede 293 mlrd teńge kóleminde kredıtorlyq bereshegi boıynsha bankrottyq rásimder júrgizilip jatqandyǵyna toqtaldy.
Semınar barysynda ákimshiler men memlekettik kirister organdarynyń ókilderi jáne qatysýshylar osy másele jóninde jan-jaqty talqylap, ózara usynystaryn ortaǵa saldy. Semınar-keńestiń qorytyndysy boıynsha bankrottyq rásimderdi júrgizý jumystaryn sozbalańǵa salmaı, qarqyndy júrgizilýin jalǵastyrýdy jáne boryshker mekemelerdiń laýazymdy tulǵalaryn sýbsıdıarlyq jaýapkershilikke tartý týraly sot sheshimderin oryndalýyn qamtamasyz etý mindetteldi. Osy maqsatta oblystyq memlekettik kirister departamenti, OQO Ádilet departamenti, OQO jeke sot oryndaýshylar óńirlik palatasy jáne «Jetisý» bankrottyq rásimderi boıynsha kásibı meńgerýshiler odaǵy» aımaqtyq qoǵamdyq birlestigi arasynda tórtjaqty memorandým túzildi.
