OQO-da balasyn sabap tastaǵan ananyń 10 aılyq qyzy da memleket qamqorlyǵyna alynady
ShYMKENT. QazAqparat - Ońtústik Qazaqstan oblysynda týǵan anasynan taıaq jep, aýyr halde aýrýhanaǵa túsken balaǵa qatysty jańa derekter paıda boldy. 7 jasar Asyldyń sheshesi resmı túrde balasynan bas tartyp, Ordabasy aýdandyq bilim bólimine analyq quqyǵynan aıyrýǵa kelisim beretindigi jóninde tilhat jazyp bergen. Bul týraly búgin bilim bóliminiń qamqorshylyq máseleleri jónindegi ádiskeri Baqbergen Sársenbekov málimdedi, dep habarlaıdy QazAqparat HAA tilshisi.
Ádiskerdiń sózinshe, qazir Asyldyń máselesine qatysty qujattar oblystyq kámeletke tolmaǵandardyń isin qaraıtyn sotqa usynyldy. Budan bólek, Ordabasy aýdandyq ishki ister basqarmasynan ol áıeldiń on aılyq qyzyn da memlekettik qamqorlyqqa alý jóninde usynys hat túsken. ıAǵnı, óńirdiń polıtseıleri búldirshindi týǵan anasy tárbıeleı almaıdy degen sheshimge kelgen.
«Osy hat negizinde Ordabasy aýdandyq bilim bólimi tarapynan 10 aılyq qyzdy da tıisti jerge ornalastyrý jóninde qujattar jınaýdamyz. Ol jóninde de biz qazir qujattardy tolyq jınaqtap, ózimizdiń aýdan ákimi janyndaǵy komıssııaǵa usyndyq. Sol komıssııanyń sheshimi negizinde sot otyrysy bolyp, onyń qaı jaqta tárbıelenetini belgili bolady», - deıdi Ordabasy aýdandyq bilim bóliminiń ádiskeri Baqbergen Sársenbekov.
