OQO-da balalarǵa arnalǵan qaıyrymdylyq aktsııasy ótti
Oblys ákimi baspasóz qyzmetiniń habarlaýynsha, Shymkent qalasyndaǵy №3 balalar úıinde ótken sharanyń maqsaty - ata-ana qamqorlyǵynsyz qalǵan balalardyń kóńilin kóterip, óńirimizdegi barlyq qarjy uıymdaryn qaıyrymdylyqpen aınalysýǵa shaqyrý.
Merekelik shara barysynda anımatorlar balalarǵa arnap túrli mýltıpıkatsııalyq týyndylar qoıyp, kontserttik estafeta ótkizdi. Óz kezeginde sóz alǵan «Ońtústik» Aımaqtyq ınvestıtsııalyq ortalyǵynyń basshysy Qýanysh Baıtóre bundaı sharalardy turaqty túrde ótkizip turýǵa ýáde etti.
«Biz balalarǵa kúlki syılaý maqsatynda qaıyrymdylyq aktsııasyn uıymdastyrdyq. Endi basqalar da úlgi alyp, bul dástúrdi jalǵastyrǵanyn qalar edik. Sebebi balalardyń kóńilin kóterý úshin arnaıy mereke kútýdiń qajeti joq», - dedi ortalyq basshysy.
Ujymǵa óziniń rızashylyǵyn jaýdyrǵan balalar úıiniń meńgerýshisi, búldirshinderge mindetti túrde syılyq alyp kelý mindetti emes, olarǵa sizderdiń kóńil bólýlerińiz mańyzdy, - dep, esikteriniń árqashan da ashyq ekendigin bildirdi.
Shara sońynda balalarǵa arnaıy syılyqtar taratyldy. Balalar óz tilekterin aıtyp, áýe sharlaryn aspanǵa ushyrdy.
Munan soń «Ońtústik» AIO ujymy balalardy 2 qabatty týrıstik avtobýspen Shymkent qalasyna serýenge alyp shyqty. «Qııal áleminen» bastaý alyp, Báıdibek bı eskertkishinde aıaqtalatyn eki saǵattyq saıahat barysynda balalar Shymkent qalasynyń eń ádemi, kórikti jerlerin tamashalady. Jol boıy arnaıy aýdıogıd jumys jasap, balalardy qalanyń tarıhı jáne búgingi sáýletimen keńinen tanystyrdy.