OQO-da «bala bolashaqqa - ana tilimen» oblystyq baıqaý ótti
El Táýelsizdiginiń 25 jyldyǵy men Astana kúni merekesine oraı, oblystyq tilderdi damytý, arhıvter men qujattama basqarmasynyń uıymdastyrýymen ótken bul baıqaýǵa 6-4 jas aralyǵyndaǵy mektepke deıingi mekemelerdiń búldirshinderi qatysty.
Bul shara memlekettik tildiń qoldaný aıasyn keńeıtip, ony jan-jaqty oqyp úırenýge jáne qoldanýǵa, qazaqstandyq patrıotızm uǵymyn tereń túsiný maqsatynda ótkizilip otyr.
Konkýrsta qatysýshylar bilimdiligine, tapqyrlyǵyna, belsendiligine, kıim úlgisine, shyǵarmanyń kúrdeliligi men kórkemdiligine basa nazar aýdaryldy.
Búldirshinder «Óz-ózin tanystyrý», «Maqal-mátelder danalyqqa bastaıdy», «Ónerlige óris keń» atty úsh atalym boıynsha baq synasty.
Baıqaý qorytyndysy boıynsha bas júldeni Shymkent qalasy № 46 «Aqbópe» bóbekjaı balabaqshasynyń tárbıelenýshisi Ulbosyn Maqsatqyzy ıelendi.
Barlyq baıqaýǵa qatysýshy úmitkerler Ońtústik Qazaqstan oblysynyń tilderdi damytý, arhıvter men qujattama basqarmasynyń dıplomdary jáne alǵys hattarymen marapattaldy, dep habarlaıdy OQO ákiminiń baspasóz qyzmeti.
