OQO-da bala asyrap alýshydan 80 myń teńge para alǵan sheneýnik sottaldy
ShYMKENT. QazAqparat - Ońtústik Qazaqstan oblysynda sheneýnik bala asyrap alýshydan 80 myń teńge para alǵany úshin sottaldy.
Saıram aýdandyq bilim bóliminiń qyzmetkeri bul qarajatty tıisti qujattar jasap beremin dep alǵan, dep habarlaıdy QazAqparat HAA tilshisi oblystyq sottyń baspasóz qyzmetine silteme jasap.
Belgili bolǵandaı, Qarabulaq aýylynyń turǵyny bala asyrap almaqshy bolyp, aýdandyq bilim bólimine barǵan. Oǵan 34 jastaǵy maman jeńil jolyn úıretipti. ıAǵnı, 80 myń teńge berse, barlyq qujattaryn zańdastyryp beremin dep túsindirgen. Alaıda ońaı jolmen oljaly bolamyn degen kelinshektiń aram oıy iske aspady. Ol para alý kezinde Sybaılas jemqorlyqqa qarsy kúres basqarmasynyń qyzmetkerlerimen ustaldy. Tergeý barysynda para alýshynyń qylmysy tolyqtaı dáleldenip, aýdandyq sotta qaraldy. Sot otyrysy barysynda aıyptalýshy qylmysyn moıyndap, ókinetinin aıtty.
Іsti qarap shyqqan sýdıa bilim bóliminiń mamanyn kináli dep taýyp, para somasynan 20 esege kóp aıyppul tóleýge jáne ómir boıyna memlekettik qyzmetten shettetýge úkim kesti. Endi kináli qyzmetker memleketke 1 mln 800 myń teńge aıyppul tólep, múlki tárkilenedi.
