OQO-da «Baqytty otbasy» baıqaýy ótti
ShYMKENT. QazAqparat - Ońtústik Qazaqstan oblysynda «Baqytty otbasy» baıqaýy ótti. Tólebı aýdanynyń belsendi jastary uıymdastyrǵan saıysqa 11 januıa músheleri qatysty, dep habarlaıdy QazAqparat tilshisi.
Qatysýshylar baıqaý barysynda kópshilikke ónegeli otbasyda ǵana úlgili urpaq ósetinin jetkizýge tyrysty. Otbasylyq saıys 8 kezeńdi qamtydy. Baıqaýda halqymyzdyń qanyna sińgen, súıegine ótken, ulttyq kodymyz bolar salt-dástúrler jańǵyrdy.
«Negizgi maqsatymyz - otbasyndaǵy yntymaq, birlik, qundylyqtar, tatýlyq, syılastyqty damytý boldy. Aldyńǵy jyly bul saıys sporttyq is-shara retinde ótetin. Bul jyly mádenı ónerimen shyńdalý úshin sahnada ótkizip jatyrmyz. Ár úı óz otaýynda ornaǵan shattyq syrymen bólisti»,-deıdi Tólebı aýdandyq Jastar resýrstyq ortalyǵynyń basshysy Qaırat Qypshaqov.
Ózara tartysty ótken saıysta árbir qatysýshy komandasy úshin baryn saldy. Qaı otbasynyń birligi bekem, yrysy tasqan, mereıi asqany da jarys barysynda belgili boldy. Taǵylymdy sharada otbasy músheleriniń sporttyq ónerimen birge, bala tárbıeleýdegi biliktiligi de baǵalandy.
«Balalardy sahnaǵa shyńdap, ónerge beıimdep, otbasylyq jylýlyqty jastaıynan sezinip ósse deımiz. Elbasymyz maqalasynda aıtqan, balalardy bilimdi, bilikti, otbasylyq qundylyqtardy dáripteý, jeke tulǵany daıarlaý maqsatynda jumys jasap jatyrmyz»,-deıdi Ryspaevtar áýletiniń otanasy.
Baıqaý nátıjesi boıynsha bas júldeni Satybaldıevter otbasy jeńip aldy. Al, birinshi oryndy Sıqymbaevtar áýleti ıelense, ekinshi oryndy Ryspaevtar shańyraǵy mise tutty. Qalǵan qatysýshalar ár túrli nomınatsııalar boıynsha yntalandyrý syılyqtaryna ıe boldy.
