OQO-da baqylaýshy top dárihanalardaǵy dárilerdiń baǵasyn qarap shyqty
ShYMKENT. QazAqparat - Ońtústik Qazaqstan oblysynda ákimdik pen Densaýlyq saqtaý basqarmasy qyzmetkerleri jáne BAQ ókilderiniń qatysýymen dárihanalarǵa press týr uıymdastyryldy. Sala mamandarynan qurylǵan baqylaýshy top halyq eń kóp qoldanatyn 150 dáriniń baǵasyn qarap shyqty, dep habarlaıdy QazAqparat tilshisi.
Qazirgi kúni oblysta 852 dárihana bar bolsa, onyń basym bóligi Shymkent qalasynda ornalasqan. Press týr barysynda top músheleri «Europharma», «Zerde - farma» JShS-ne qarasty «Zdorove» jáne «ıÝgMedFarm» kompanııasynyń «Apteka 03» dárihanalaryn aralap kórdi. Úsh kompanııanyń da dárihanalar jelilerinde memorandýmǵa sáıkes bekitilgen dári-dármekterdiń tizimi ilinip qoıypty. Bul tizimge halyq jıi satyp alatyn, aýyrsynýdy, dene qyzýyn basatyn medıtsınalyq preparattar kirgen bolatyn. Sala mamandary ol dárilerdiń qandaı baǵada satylyp jatqanyn, bekitilgen baǵamen sáıkes keletindigin salystyryp qarady. Belgili bolǵandaı, preparattar barlyq dárihanalarda memorandým aıasynda bekitilgen baǵamen saýdalanýda eken.
Aıta keteıik, jýyrda ǵana OQO ákimdigi men Oblystyq densaýlyq saqtaý basqarmasy, «Damý» farmatsevtıkalyq jáne medıtsınalyq qyzmetkerler qaýymdastyǵy arasynda halyq eń kóp tutynatyn dárilerdi qymbattatpaý týraly memorandýmǵa qol qoıylǵan bolatyn. Memorandým aıasynda halyq eń kóp qoldanatyn 150 dári-dármektiń tizimi bekitilip, olardyń baǵasy jyl sońyna deıin ózgermeıtin bolyp kelisildi. Bul shara óńirdegi dári baǵasyn qalypty túrde ustaý maqsatynda qolǵa alynǵan edi. Bekitilgen tizimde júrek, qabynýǵa qarsy, analgetıkter, antıgıstamınder, asqazan men gıpotenzıvti preparattar, kóz jəne qulaq tamshylary men dərýmender engizilgen.
