OQO-da ájethana ashamyn dep daýǵa qalǵan ákim paramen ustaldy
ShYMKENT. QazAqparat - Ońtústik Qazaqstan oblysynda ótken jyly ájethana ashamyn dep basy daýǵa qalǵan ákim paramen ustaldy, dep habarlaıdy QazAqparat tilshisi.
Maqtaaral aýdandyq sotynyń sýdıasy Seıilhan Musabekovtyń sózinshe, Jetisaı qalasynyń ákimi Baıdýaly Bazarbaevqa qatysty sot sanktsııasy 20 aqpanda shyqqan.
«Maqtaaral aýdandyq sotynyń tergeý sýdıasy Muhtar Joldasbekov Jetisaı qalasynyń ákimi Bazarbaevqa bultartpaý sharasyn qoldandy. Ol kepil retinde quny 13 mln teńge turatyn úıin qoıǵan. Sotqa túsken málimetke sáıkes, Jetisaı qalasynyń ákimi Bazarbaev 200 myń teńge para alǵan. Oǵan QR Qylmystyq kodeksi 366-babynyń 2-bóligimen «Para alý» boıynsha aıyp taǵylýda. Qylmystyq is sotqa deıingi tergep-tekserilýde. Ázirge sotqa túsken joq», - dedi sýdıa Seıilhan Musabekov.
Aıta keteıik, paramen ustalǵan ákim ótken jyldyń qańtar aıynda Maqtaral aýdanynyń ortalyǵy Jetisaı qalasynda zamanaýı úlgidegi qoǵamdyq ájethananyń ashylýyna qatysyp, basy daýǵa qalǵan bolatyn. Bul nysan aýdan ákiminiń bastamasymen boı kótergenin aıtqan sheneýnik ony salýǵa 3,1 mln teńge jumsalǵanyn jetkizgen.
