OQO-da ájesi men nemeresi ıisten ýlanyp qaıtys boldy
ShYMKENT. QazAqparat - Ońtústik Qazaqstan oblysynda ájesi men nemeresi ıisten ýlanyp qaıtys boldy. Qaıǵyly jaǵdaı Saryaǵash aýdanynda aýdanynyń Qoshqarata aýyldyq okrýginde oryn alǵan, dep habarlaıdy QazAqparat tilshisi.
Oblystyq tótenshe jaǵdaılar departamentiniń málimetinshe 72 jastaǵy zeınetker men 12 jastaǵy jetkinshektiń óli denesin tańǵy saǵat segizder shamasynda týystary taýyp alypty. Sol kúni túnde úıde ekeýi ǵana qalǵan eken. Oqıǵa ornyna jedel járdem qyzmetin shaqyrtqan. Alaıda dárigerler boljam boıynsha ájesi men nemere qyzy túngi saǵat 23.00-der shamasynda kóz jumǵanyn aıtypty. Oqıǵa ornyna jetken Abaı gaz sharýashylyǵy mamandary úıdegi jylytý júıesiniń qubyrlaryn tekserý barysynda kóptegen kemshilikterdi anyqtalǵan. Gazdyń ıisin soryp, syrtqa shyǵaratyn qurylǵy bolmaı shyqty. Qazir tıisti sot-medıtsınalyq saraptamalar taǵaıyndalyp, ıistiń shyǵý sebepteri anyqtalýda.
Aıta keteıik, óńirde jyl basynan beri ýly gazdan 56 adam zardap shegip, 20 adam qaıtys bolǵan. Onyń ishinde 8 bala bar. Osyǵan oraı tótenshe jaǵdaılar qyzmetkerleri turǵyndarǵa úıge pesh ornatqanda saqtyq sharalaryn qatań saqtaýdy eskertip otyr.
