OQO-da aıyppuldan jaltaryp júrgen júrgizýshilerge qarsy reıd bastaldy
ShYMKENT. QazAqparat - Ońtústik Qazaqstan oblysynda jergilikti polıtsııa qyzmeti Ákimshilik polıtsııa basqarmasymen jáne sot oryndaýshylarmen birlesip, reıd ótkizýde.
Tártip saqshylary shara arqyly salyq tóleminen jáne ózge de aıyppuldan jaltaryp júrgen 260 avtokólik ıelerin anyqtady, dep habarlaıdy QazAqparat HAA tilshisi.
Reıd barysynda polıtseıler «Avtoýragan» jyljymaly keshenin paıdalanýda. Onda ákimshilik quqyqbuzýshylyqtar boıynsha aıyppuldan jaltaryp júrgen kólik ıeleriniń tizimi bar. Osy keshendegi arnaıy kameranyń kómegimen jol boıynda aıyppul tólemegen júrgizýshilerdiń kóligin memlekettik belgileri arqyly anyqtaýǵa bolady. Osylaısha, aıyppuldan jaltaryp júrgenderdiń temir tulparlary arnaıy avtoturaqqa jetkizilýde.
Kólikter aıyppuldar tólenip, sot oryndaýshylardyń shekteýlerdi alyp tastaý týraly qaýlysynan keıin ıelerine qaıtarylady.
