OQO-da aýyldardaǵy tozyǵy jetken kópqabatty turǵyn úıler jóndeýden ótkizile bastady
ShYMKENT. QazAqparat - Ońtústik Qazaqstan oblysy Túlkibas aýdanyndaǵy turǵyn úıler jóndeýden ótip jatyr. Salynǵanyna 30 jyldan asqan baspanalardyń búginde qabyrǵasy qaqyrap, edenderi ydyraı bastaǵan. Endi jańǵyrtý baǵdarlamasy aıasynda qaıta qalpyna keltirilýde, dep habarlaıdy QazAqparat HAA tilshisi.
Sastóbe eldi mekenindegi turǵyn úıler kezinde tsement shyǵaratyn zaýyttyń jumysshylaryn baspanamen qamtý maqsatynda salynǵan bolatyn. El táýelsizdigin alǵan alǵashqy jyldary sastóbelikter shetinen páterlerin jekeshelendirip aldy. Sodan beri turǵyn úılerdiń túıitkilderi ońtaıly sheshilmeı kelipti. Shatyrdan sý aǵyp, sý júıeleri men elektr jelileri jaramsyz kúıge túsken. Endi bul baspanalar jańǵyrtý baǵdarlamasynyń arqasynda jóndele bastady. Úılerdiń shatyry aýystyrylyp, qasbetteri jańartyldy. Káriz júıeleri de qalpyna keltirilip, árleý jumystary da júrgizilgen. Jóndeý shyǵyndary 35 mln teńgeden asyp jyǵyldy deıdi jergilikti atqaminerler.
«Turǵyndarǵa túsindirý jumystaryn júrgizip jatyrmyz. Buryndary merdiger mekemelerden másele týyndaıtyn, sondyqtan quntty qurylys kompanııasyn tańdadyq, jumystardy júrgizýge bir jyldaı ýaqyt ketedi. Smetasy jasalynǵan, qazir qarjyny kútip otyrmyz», - deıdi Sastóbe eldi mekeniniń ákimi Erlan Kúzembaev.
Sastóbe eldimekeninde áli jóndeýdi qajet etetin birneshe turǵyn úı bar. Ákimdik ókilderi aldaǵy ýaqytta tozyǵy jetken nysandardy, baspanalardy jańǵyrtý baǵdarlamasyna engizemiz dep josparlap qoıypty.
