OQO-da aýyl sharýashylyǵynyń jalpy ónim kólemi 445 mlrd. teńgeni qurady

Osy salany  qoldaýǵa byltyr oblys bıýdjetinen 32 mlrd teńge bólinse, bıyl onyń kólemi 27 mlrd teńge boldy. Bul týraly óńirdiń Aýyl sharýashylyǵy basqarmasynyń basshysy Serik Turbekov oblystyq ákimdikte  ótken selektorlyq májiliste málimdedi, dep habarlaıdy QazAqparat HAA tilshisi.

Serik Turbekovtyń sózinshe,  aýyl sharýashylyǵy boıynsha naqty kólem ındeksi 104,9 paıyzǵa jetip,  negizgi kapıtalǵa 10,7 mlrd.teńge tartylǵan. 

Baıandamashyny muqııat tyńdaǵan aımaq basshysy Janseıit Túımebaev sala jetekshisine tıisti tapsyrma júktedi. Janseıit Qanseıituly aýylsharýashylyq ónimderin óńdeý jáne qaıta óńdeý kásiporyndaryn qurý boıynsha jumystardy jetildirý qajettigin eskertti. Sondaı-aq oblysqa kóptegen iri ınvestorlar kelip sút jáne et ónimderi óndirisin damytýǵa nıet bildirgenimen, olardy strategııalyq seriktes retinde ary qaraı qyzyqtyrý jumystary tómen dengeıde ekendigin aıtty.

Ekonomıkalyq ındıkatorlar boıynsha jumystardyń tıisti deńgeıde oryndalyp, oblysqa qarjy tartýda ınvestorlarǵa jaǵdaı jasalý qajettigin atap ótti. Jappaı kásipkerlikti damytý baǵyty boıynsha nesıelendirý mehanızmderin halyqqa keńinen túsindirý maqsatynda arnaıy paraqshalardy ázirlep taratý halyqqa tıimdi bolatynyn aıtqan oblys basshysy jańa baǵdarlamany iske asyrýda Kásipkerlik, Aýyl sharýashylyǵy jáne Jumyspen qamtý basqarmalaryna birlesip, úılesimdi jumys júrizýdi tapsyrdy.