OQO-da aýyl sharýashylyǵy maqsatyndaǵy egistik jer kólemi 30 myń gektarǵa artty
Sondaı-aq, egistik jer - 939,6 myń gektar, jaıylymdyq jer - 5626,4 myń gektardy aýmaqty alyp jatyr. 2017 jyly aýyl sharýashylyǵy maqsatyndaǵy egistik jerler 2016 jylmen salystyrǵanda 30 myń gektarǵa artqan.
Bul týraly oblystyq Óńirlik kommýnıkatsııalar qyzmetinde ótken brıfıngte jer qatynastary basqarmasynyń basshysy Sozaqbaı Ábdiqulov málim etti.
Onyń aıtýynsha, aýyl sharýashylyǵy jerleriniń nysanaly maqsatqa saı paıdalanylýyna júrgizilgen túgendeý jumystary nátıjesinde jalpy 248,8 myń gektar jer paıdalanylmaı jatqandyǵy anyqtalǵan.
«Eseptik merzimde atalǵan jerlerden 76,4 myń gektar jer memleket menshigine qaıtarylsa 83,2 myń gektar jer túsindirý sharalarynan keıin qaıta ıgerile bastady. ıAǵnı 159,6 myń gektar aýyl sharýashylyǵy jerleri qaıtadan paıdalanýǵa qosyldy. Jer qatynastary basqarmasy jáne jer kadastry mekemesiniń ókilderi tıisti aýdan, qala ákimdikterimen birlesip Syrdarııa, Arys ózenderi men Bógen sý qoımasy jáne Kóksaraı sý rettegishi mańyndaǵy jerlerdi ıgerý máselesi boıynsha jerlerdiń basyna baryp, zerdeleý jumystaryn júrgizdi. Nátıjesinde aýdan, qalalar boıynsha aýyl sharýashylyǵy maqsatyndaǵy 62502 gektar jerlerdi sýarmaly egistik jerge ulǵaıtýǵa múmkindik bar ekeni anyqtaldy», - dedi Sozaqbaı Isauly.
Aıta keterligi, 2017 jyly oblystyq jer komıssııasynyń sheshimi boıynsha 95 joba maquldanyp, 90 kásipkerlik sýbektisine 1982,3 gektar jer telimi paıdalanýǵa berilgen.
«Tsıfrlyq Qazaqstan» memlekettik baǵdarlamasy aıasynda oblystaǵy jer qatynastary salasyndaǵy eń ózekti 8 kórsetkishti elektrondy bazaǵa engizip, oblys ákimdigindegi ahýaldyq ortalyqpen yqpaldastyrý qarastyrylyp otyr.
Sondaı-aq, jer qatynastary salasynda memlekettik qyzmettiń 7 túri boıynsha standarttar bekitilip, 2017 jyly aýdan, qala ákimdikteri tarapynan jalpy 1190 memlekettik qyzmet kórsetilgen.
