OQO-da aýyl ákimderi merekeden kólik minip qaıtty

ShYMKENT. QazAqparat - Ońtústik Qazaqstan oblysynda «Astana kúni» merekesinde aýyl ákimderi kólik minip qaıtty. Maqtaral aýdany ákimdiginiń uıymdastyrýymen ótken «Elimniń júregi - Astana!» atty merekelik gala-kontsertte aýdan ákimi «Úzdik aýyldyq okrýg» baıqaýynyń jeńimpazdaryn marapattady, dep habarlaıdy QazAqparat HAA tilshisi.

Aýdanda osy jyldyń aqpan-mamyr aılary aralyǵynda «Úzdik aýyldyq okrýg» atty abattandyrý taqyrybynda baıqaý jarııalanǵan bolatyn. Aýyl aýmaqtaryn kórkeıtý, kógaldandyrý, turǵyndar arasynda sanıtarlyq tazalyqty nasıhattaý jáne yntalandyrý maqsatynda ótkizilgen sharaǵa barlyq aýyl ákimdikteri qatysty. Onyń qortyndysy boıynsha «Asyqata» óńiri boıynsha birinshi oryndy Sh. Dildábekov aýyldyq okrýgi ıemdense, ekinshi oryndy «J. Eralıev», úshinshi oryndy «Atameken» aýyldyq okrýgteri aldy. Al «Myrzakent» óńirinen «J.Nurlybaev», «Maqtaral» jáne «Birlik» aýyldyq okrýgteri úzdik atandy. Sondaı-aq, «Jetisaı» óńiri boıynsha «A.Qalybekov» aýyldyq okrýgi men «Jańa aýyl» aýyldyq okrýgi, «Qaraqaı» aýyldyq okrýteri laıyq dep tanyldy.  Júlde qory retinde  birinshi oryn alǵandarǵa - qyzmettik jeńil avtokólik, ekinshi oryndarǵa - 300 myń teńge, al úshinshi oryndarǵa - 100 000 teńgeden berildi.

Merekelik keshte aýdan ákimi Ǵalym Ismaılov sóz sóılep, jyl saıyn erekshe toılanatyn «Astana kúni» merekesimen maqtaraldyqtardy quttyqtady jáne belgili ánshiler «Astana» týraly ánderdi shyrqady. Jıynnyń sońy merekelik otshashýǵa ulasty.