OQO-da aýlasyna kóknár ekken turǵyn ustaldy
ShYMKENT. QazAqparat - Ońtústik Qazaqstan oblysynda tártip saqshylary aýlasyna kóknár egip kelgen turǵyndy qolǵa túsirdi. Onyń sómkesinen 60 keli esirtki shóbi tárkilengen, dep habarlaıdy QazAqparat HAA tilshisi.
Oblystyq ІІD esitkige qarsy kúres basqarmasynyń qyzmetkerleri ustaǵan kúdikti Saryaǵash aýdanynyń turǵyny ekenin anyqtaldy. Onyń úıin tintý barysynda esirtki ósimdiginiń 4 myńdaı danasy tabylǵan. Sot-krımınalıstik saraptama qortyndysy bul shópterdiń kóknár ekenin dáleldegen. Qazirgi tańda seziktiniń ústinen Qylmystyq kodekstiń 300-baby «Quramynda esirtki zattar bar, ósirýge tyıym salynǵan ósimdikterdi zańsyz egip-ósirýmen» baılanysty is qozǵalyp, tergeý amaldary júrgizilýde.
Esirtki ósirýshi ýaqytsha tergeý abaqtysyna qamaldy.
