OQO-da aýlasyna 900 túp kóknár ekken turǵyn ustaldy
ShYMKENT. QazAqparat - Ońtústik Qazaqstan oblysynda polıtseıler «Kóknár -2017» jedel aldyn alý is-sharasyn ótkizý barysynda Qaramurt eldimekeniniń 51 jastaǵy turǵynyn ustady. Ol aýlasyna 900 túp kóknár egip, mol qarjyǵa kenelýdi kózdegen, dep habarlaıdy QazAqparat HAA tilshisi.
Kúdiktiniń úıin tintý barysynda tabylǵan esirtki tektes ósimdik túpteri aıǵaqty zat retinde tárkilenip alyndy. Sot-krımınaldyq saraptamasy tárkilengen túpterdiń jalpy salmaǵy 11 kg asatyn «kóknár» esirtki zaty ekenin rastaǵan. Qazirgi tańda osy derek boıynsha, Qylmystyq kodekstiń 300- baby «Quramynda esirtki zattar bar, ósirýge tyıym salynǵan ósimdikterdi zańsyz egip-ósirýmen» is qozǵalyp, tergeý amaldary júrgizilýde. Sezikti ýaqytsha ustaý abaqtysyna qamaýǵa alynyp, sotqa deıingi tergeý amaldary júrgizilýde.
