OQO-da aýdandyq ІІB bastyǵynyń eki orynbasary men qatardaǵy polıtseıler qamaýǵa alyndy
ShYMKENT. QazAqparat - OQO-da Otyrar aýdandyq ІІB bastyǵynyń eki orynbasary men jedel ýákil jáne ýchaskelik polıtsııa ınspektory qamaýǵa alyndy.
Tórt tártip saqshysyna para alǵan, esirtki zatyn tasymaldaǵan jáne saqtaǵan degen aıyp taǵylyp otyr, dep habarlaıdy QazAqparat HAA tilshisi. 
Ál-Farabı aýdandyq soty qolǵa túsken polıtseılerdi eki aıǵa ýaqytsha tergeý abaqtysyna qamaý týraly sanktsııa berdi. Bul týraly búgin atalǵan aýdandyq sottyń sýdıasy Ǵanı Baıarystan málimdedi. Sýdıanyń sózinshe, ustalǵandardyń barlyǵy Otyrar aýdandyq ishki ister basqarmasynda laýazymdy qyzmet atqarǵan. Kúdiktilerdi Ulttyq qaýipsizdik komıtetiniń qyzmetkerleri qolǵa túsirgen. Qazirgi tańda olarǵa qatysty sotqa deıingi tergeý amaldary júrgizilýde. Eger polıtseılerdiń kinási dáleldense, 15 jylǵa deıin sottalýlary múmkin. Óıtkeni, tártip saqshylaryna taǵylǵan aıyp asa aýyr dárejedegi qylmys túrine jatqyzylady.
«Ustalǵan 3 qyzmetker de laýazymdy tulǵa bolyp qyzmet atqarady jáne qyzmet babyn paıdalana otyryp, esirtki zatyn saqtaǵan, ıemdengen, tasymaldaǵan degen aıyp taǵylyp otyr. QR QK 297 babynyń 3 bóliginiń 1,2,4 tarmaqtary asa aýyr qylmys bolyp sanalady. Sanktsııasy 10 jyldan 15 jylǵa deıin kórsetilgen. Al, bir ýchaskelik ınspektorǵa qatysty onyń áreketi tek QR QK 366 babynyń 3 bóligi 2 tarmaǵy para alý máselesi boıynsha bolyp otyr. Biraq, ol bap ta aýyr qylmystar sanatyna jatqyzylady, 12 jylǵa deıin»,-dedi Ál-Farabı aýdandyq sotynyń sýdıasy Ǵanı Baıarystan.
Aıta keteıik, óńirde tártip saqshylarynyń ustalýy birinshi jaǵdaı emes. Buǵan deıin Ulttyq qaýipsizdik komıtetiniń qyzmetkerleri Shymkent qalasyndaǵy 4 ýchaskelik ınspektordy qolǵa túsirip, olardyń ústinen Qylmystyq kodekstiń 4 birdeı baby boıynsha («Uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý», «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý», «Laýazymdyq ókilettikterdi teris paıdalaný» jáne «Bılikti nemese laýazymdyq ókilettikterdi asyra paıdalaný») qylmystyq is qozǵalyp, OQO UQKD ýaqytsha ustaý oqshaýlaǵyshyna qamalǵan bolatyn.
