OQO-da aýdandyq aýrýhanalar men emhanalar biriktirilip jatyr
ShYMKENT. QazAqparat - Ońtústik Qazaqstan oblysynda densaýlyq saqtaý uıymdaryn ońtaılandyrý aıasynda qala-aýdandyq aýrýhanalar men emhanalar biriktirilip jatyr. Búginde óńirdegi emdeý mekemeleriniń sany 103-ten 87-ge kemidi. Bul týraly búgin óńirlik kommýnıkatsııalar qyzmetinde ótken baspasóz máslıhatynda Oblystyq densaýlyq saqtaý basqarmasynyń basshysy Muqan Egzibaev málimdedi, dep habarlaıdy QazAqparat tilshisi.
«Búgingi kúnge deıin bizdiń oblysta ǵana emhanalar men aýrýhanalar bólek mekeme bolyp kelgen. Sonyń arqasynda eki mekeme bir aýmaqta turǵanymen bir-birine jalǵa alý qunyn tólep kelgen. Basshylyǵy bir-birine baǵynbaǵan. Al, osy mekemelerdi biriktirý arqyly bizde medıtsınalyq kadr jetispeýshiligi máselesi sheshildi. Sondaı-aq medıtsınalyq qural jabdyqtardyń jetispeýshiligi problemasy da sheshilip otyr»,-deıdi Muqan Egizbaev.
Muqan Keńesbekulynyń aıtýynsha, bıylǵy jyly óńirdegi kóz aýrýlar aýrýhanasy men endokrenologııalyq dıspanser Oblystyq klnıkalyq aýrýhanasyna qosylyp otyr. Osylaısha maman tapshylyǵy nemese basqa da máselelerdi sheshý qarastyrylǵan.
«Oblysta sharýashylyq júrgizý quqyǵyna 70 medıtsınalyq uıym ótkizilip, óńir respýblıka boıynsha 3-shi orynǵa turaqtaǵan. Taǵy 23 uıymda baqylaý keńesi quryldy. Medıtsına uıymdarynyń materıaldyq-tehnıkalyq bazasyn nyǵaıtýǵa 6,2 mlrd. teńge baǵyttalyp, jaraqtalý kórsetkishi 65,1%-ǵa jetkizildi. Medıtsına uıymdaryn kompıýtermen qamtamasyz etýge bıyl 1,9 mlrd teńge bólindi. Bul qarajatqa kompıýterlerdiń 7582 birligi alynyp, 100% qamtylatyn bolady»,-deıdi Muqan Egizbaev.
