OQO-da aýdandaǵy ortalyq stadıon qaıta jańǵyrtyldy
ShYMKENT. QazAqparat - Búgin Ońtústik Qazaqstan oblysy Sozaq aýdany Sholaqqorǵan aýylyndaǵy ortalyq stadıon paıdalanýǵa berildi, dep habarlaıdy aýdan ákimdiginiń baspasóz qyzmeti.
Saltanatty túrde ashylǵan ortalyq fýtbol stadıonynyń ashylýyna aýdan ákimi Maqsat Isaev, ardager sportshylar, aýdan turǵyndary qatysty. Quttyqtaý sóz sóılgen aýdan basshysy «Ortalyq stadıonda aldaǵy ýaqytta túrli sporttyq ári mádenı sharalar ótkizetin bolamyz. Aýyl turǵyndary sportpen aınalysyp, Elbasy Joldaýyndaǵy buqaralyq sportty damytý baǵytyndaǵy jumystar jandana túsedi», - dep atap ótti. Sondaı-aq, ardager sportshy T. Batyrov quttyqtaý sóz sóılep: «Sozaq sportynyń sońǵy jyldarda ósip órkendep, úzdik nátıje kórsetip jatqanyn aıta kele, munyń bári sport ǵımaratynyń soǵylyp jatqanymen tikeleı baılanysty» - degen pikir bildirip, barsha aýdan turǵyndaryn quttyqtady.
Aıta ketý kerek, Sozaq aýdanynyń 80 jyldyǵy qarsańynda salynǵan aýyldyq stadıon aýdandyq balalar men jasóspirimder fýtbol mektebiniń qaramaǵynda. Sodan túrli sporttyq jarystar, mádenı is sharalar ótkizilip, jóndeý kórmegenine de biraz bolǵan edi.
Qazaqstan Respbýlıkasy «Jol kartasy 2020 baǵdarlamasy» aıasynda salynyp, elimizdiń Táýelsizdiginiń 25 jyldyǵy qarsańynda berilip otyr. Kúrdeli jóndeý jumystary nátıjesinde stadıonǵa jasandy alańsha tóselip, zaman talabyna saı jabdyqtaldy.
