OQO-da atyraýlyq jartastan túse almaı sonda túnedi
ShYMKENT. QazAqparat - OQO taýlarynda Atyraý turǵyny adasyp ketip, táýlik boıy taýda bolǵan.
OQO TJD qutqarý jasaǵynyń resmı ókili Pavel Vıshenınniń habarlaýynsha, tańǵy ýaqytta 1956 jyly týǵan er adam taýǵa serýendeýge ketken jáne qaıtyp orala almaǵan. «Birkólik» sanatorııinde demalyp júrgendikten, mekeme qyzmetkerleri dabyl qaǵyp, qutqarýshyny shaqyrǵan. Qońyraýdan soń 2,5 saǵatta Shymkentten 4 adamnan quralǵan komanda jetti. Sl sátte izdestirý jumystary bastalyp ketti.
Eki saǵattan keıin 40 metr bıiktiktegi jartastan Atyraý oblysy turǵyny tabyldy. Biraq, kún uıasyna kirip, qarańǵy túsip ketkendikten adamdy tómenge túsirý óte qaýipti boldy. Sondyqtan qutqarýshylar tańnyń atqanyn kútti. Ózderi uıaly baılanys arqyly er adamnyń jaǵdaıyn bilip otyrdy. Qutqarýshylar únemi onyń kóńil-kúıin surap, óz betimen taýdan túspeýin surady. Tańǵy altyda alpınıstik jaraqtardyń kómegimen er adamdy taýdan tómen túsirdi. Qutqarý operatsııasy shamamen 10 saǵatqa sozyldy. Er adam sanatorııge jetkizildi.
