OQO-da ata-analar forýmy ótti
ShYMKENT. QazAqparat - Ońtústik Qazaqstan oblysynda «Otbasy, qoǵam - ıgilikti bolashaqpen birge» atty ata-analar forýmy ótti. Ordabasy aýdandyq bilim bólimi uıymdastyrǵan basqosýǵa aýdandyq ájeler alqasy, tárbıe ádiskerleri men ata-analar qatysty, dep habarlaıdy QazAqparat tilshisi.
Bala tárbıesin jetildirýge baǵyttalǵan sharada jınalǵandar otbasy qundylyqtaryn sóz etip, rýhanı baǵdarlama baǵyttaryn baǵamdady. Otbasy adam úshin eń jaqyn áleýmettik orta ekenin aıtqan ustazdar qaýymy, januıada belgili dástúrler, jaǵymdy ónegeler men rýhanı qundylyqtar bolýy kerektigin atap ótti.
«Aýdandyq bilim bóliminiń ótkizip otyrǵan ata-analarǵa arnalǵan forýmynda óte mańyzdy, túıindi nárseler qozǵaldy. Shyn máninde qoǵamymyzda bilim berýmen qatar, tárbıe berýdiń mańyzdylyǵy zor. Mynaý jahandaný zamanynda jaýaptylyq artyp jatqandyǵyn atanalar tolyq sezinýi tıis. Ony ózderi de moıyndap otyr»,- deıdi Ordabasy aýdandyq Áıelder keńesiniń tóraıymy Márııam Záıtúnqyzy.
Forým barysynda aq jaýlyqty ájeler bala tárbıesindegi ózekti máselelerdi qyzý talqylady. Aýdandaǵy ata-analar keńesiniń jumysyna kóńil bóldi. Al, úzdik dep tanylǵan otbasylar aýdan ákiminiń alǵys hatymen marapattaldy. Otbasy negizderin dáripteıtin forýmda sondaı-aq ádistemelik kórme uıymdastyryldy. Tárbıelik máni tereń beınefılm de qórermen kóńilinen shyqty.
