OQO-da asylyp qalǵan polıtseıge qatysty tyń derekter shyqty
ShYMKENT. QazAqparat - Ońtústik Qazaqstan oblysy, Ordabasy aýdanyndaǵy jaldamaly páterde asylyp qalǵan polıtseı oqıǵasyna qatysty ІІD resmı málimdeme taratty, dep habarlaıdy QazAqparat tilshisi.
«1993 jyly týǵan polıtseı quzyrly organda 2011 jyldan beri qyzmet atqarǵan. Ol QR ІІM qarasty joǵary oqý ornyn bitirgen soń, Ordabasy aýdanyna jumysqa kelgen. Atalǵan aýdanda jergilikti polıtsııa qyzmeti kámelet jasyna tolmaǵandarmen jumys isteý bóliminiń ınspektory bolyp qyzmet atqarǵan. Ol tártibi nashar polıtseı retinde esepte turǵan. Mamyrdyń 14-i kúni JPQ ınspektory jınalysqa mas bolyp kelgen. Saraptama qortyndysy da polıtseıdiń qan quramynda alkogoldiń bar ekendigin rastaǵan. Aýdandyq ІІB Jergilikti polıtsııa qyzmeti basshylyǵy ınspektordyń týystaryna arnaıy túsindirý hatyn joldaıdy»,- delingen málidme habarlamasynda.
Esterińizge salaıyq, qaıǵyly jaǵdaı 17 mamyrda bolǵan edi. Qyzmettik kıimde aǵa leıtenant Narıman Nazarovtyń bolǵan óli denesi ózi turyp jatqan jaldamaly páterden tabyldy.
Bul jaǵdaıǵa baılanysty oblystyq ІІD baspasóz qyzmetiniń jetekshisi Saltanat Qarakózova tekserý sharalary júrgizilip jatqanyn aıtty.
