OQO-da Arys ózeni arqyly ótetin kópirde jeńil mashına júk kóligimen soqtyǵysty, adam shyǵyny bar
ASTANA. 14 maýsym. QazAqparat - OQO-da Arys ózeni arqyly ótetin kópirde jeńil mashına júk kóligimen soqtyǵysyp, 2 adam qaza boldy.
Bul týraly QR TJM baspasóz qyzmetinen habarlady.
13 maýsym kúni Ońtústik Qazaqstan oblysynyń Arys-Shymkent tas jolyndaǵy Arys ózeni arqyly ótetin kópirde «Folksvagen» mashınasy men «Hova» júk kóligi túıisip qalyp, temir tulparlardyń ekeýi de sýǵa aýdarylǵan.
Apat saldarynan jeńil kóliktiń júrgizýshisi men jolaýshysy oqıǵa ornynda til tartpaı ketti. Júk kóliginiń júrgizisi túrli jaraqattarmen aýrýhanaǵa jetkizildi.
Jeńil kólik júrgizýshisiniń máıiti QR TJM OQO TJD sýda qutqaý qyzmetiniń (6 mamany men bir tehnıkasy) kúshimen sýdan shyǵaryldy, jolaýshynyń denesi izdestirilýde.
