OQO-da arnaıy logotıpi joq kólikter jolaýshy tasymaldaı almaıdy
ShYMKENT. QazAqparat - Ońtústik Qazaqstan oblysynda arnaıy logotıpi joq kólikter jolaýshy tasymaldaı almaıdy. Osy salaǵa jaýapty mamandar endi aýdan-qalalarǵa qatynaıtyn shaǵyn avtobýstarǵa logotıpter ilýdi qolǵa almaq, dep habarlaıdy QazAqparat HAA tilshisi.
Bul eń aldymen jolaýshylar qaýipsizdigin qamtamasyz etedi, - deıdi Oblystyq avtomobıl joldary jáne jolaýshylar tasymaly basqarmasynyń mamandary. Olardyń sózinshe, óńirde aýdanaralyq baǵyttarǵa qatynaıtyn 711 avtobýstyń 206-sy ǵana jańa. ıAǵnı, 61 paıyzy ortasha deńgeıde bolsa, qalǵany - eski kólikter. Qoǵamdyq kólikterdegi jol apattarynyń 90 paıyzy zańsyz jolaýshylar tasymalyna tıesili. Osynaı olqylyqtyń aldyn alý maqsatynda mamandar zańdy avtokólikterge arnaıy logotıp ilýdi uıǵaryp otyr. Odan bólek, mamandar avtobeketterdi qaıta qalpyna keltirý jumystary da endi júıelenetinin alǵa tartady.
