OQO-da anasyna shyndyqty aıtýdan qoryqqan qyz «meni alyp qashty» dep aldaǵan
ShYMKENT.QazAqparat- Ońtústik Qazaqstan oblysy, Maqtaral aýdanynda kámelet jasyna tolmaǵan qyz ózin alyp qashyp ketti dep anasy men polıtseılerdi aldaǵan. Alaıda jalǵan sóılegen jasóspirimniń ótirigi artynan áshkere boldy, dep habarlaıdy «QazAqparat HAA tilshisi.
Maqtaaral aýdandyq ishki ister basqarmasynyń 1-shi polıtsııa bólimine jergilikti turǵyn aryzdanyp, 17-ge tolmaǵan qyzyn bireýler belgisiz jerde zańsyz ustap otyrǵanyn aıtypty. Osy oqıǵa boıynsha tártip saqshylary Qylmystyq kodekstiń 126-baby boıynsha (Bas bostandyǵynan zańsyz aıyrý) is qozǵap, jedel izdestirý sharalaryn júrgizgen. Alaıda izdeý sharalary kezinde jasóspirim qyzdyń aıtqandary jalǵan ekeni anyqtaldy.
Belgili bolǵandaı, mektep oqýshysy sol kúni súıiktisimen birge qydyryp, úıine tún jarymda oralǵan. Alaıda anasyna ol jaǵdaıdy aıtýdan qorqyp, ótirik oqıǵa oılap tapqan. Qazir óńirdiń tártip saqshylary jasópirimniń ústinen 419-shy «Kórineý jalǵan sóz jetkizý» babymen qylmystyq iz qozǵady. Tergeý sharalary júrgizilýde.
