OQO-da anasy ólimshi etip sabaǵan 7 jasar Asylǵa kómek qajet
ShYMKENT. QazAqparat - Ońtústik Qazaqstan oblysynda anasy ólimshi etip sabaǵan 7 jasar Asylǵa kómek qajet. Sebebi, qatty soqqynyń saldarynan balanyń sol aıaǵy men qolynyń qımyly qıyndaǵan. Der kezinde ońaltý sharalaryn jasamasa, múgedek bolyp qalýy múmkin, dep habarlaıdy QazAqparat HAA tilshisi.
Óz anasynan jazyqsyz taıaq jegen Asyl áli kúnge oblystyq balalar aýrýhanasynda em qabyldaýda. Dárigerler ony shyǵarýǵa bolatynyn aıtady. Biraq ózdiginen júrip turýy úshin ońaltý sharalary qajet. ıAǵnı ELFK, massaj, nevropatologtyń baqylaýy men konservatıvti em qajet eken.
«Qazir Asyl qajetti emdik sharalaryn qabyldaýda. Biz qoldan kelgenin jasap jatyrmyz. Dese de ózdiginen júrip turýy úshin, qolynyń qımylyn jaqsartý úshin ońaltý ortalyqtaryna alyp barsa jaqsy bolar edi. Alaıda biz balany ondaı ortalyqtarǵa ózdigimizden jibere almaımyz. Bul máseleni Ordabasy aýdandyq bilim bóliminiń mamandary sheshýi kerek», - deıdi oblystyq balalar aýrýhanasy bas dárigeriniń orynbasary Bolat Nusqabaev.
Al, Ordabasy aýdandyq bilim bóliminiń mamandary bolsa Asyldyń jaǵdaıynan habar alyp turǵanyn aıtty. Bólimniń ádiskeri Baqbergen Sársenbekovtyń sózinshe balany aýrýhanadan shyǵarýǵa áli erte eken. Dárigerler onyń qajetti emderin tolyq qabyldap bitpegen degen habar beripti.
«Biz Asyldyń densaýlyǵy týraly turaqty túrde habar alyp turmyz. Eger ony shyǵarýǵa bolady dese beıimdeý ortalyǵyna ornalastyrýǵa qujattar daıyndaımyz. Al, ázirge keıbir azamattar oǵan qoldan kelgenshe demeýshilik jasap, emderine qolǵabys etip otyr», - deıdi Baqbergen Sársenbekov.
