OQO-da anasy men áıelin pyshaqtaǵan turǵyn qamaldy
ShYMKENT. QazAqparat - Ońtústik Qazaqstan oblysynda anasy men áıelin óltirip, ákesine qaraı umtylǵan turǵyn qamaýǵa alyndy. Búgin Ordabasy aýdandyq soty 28 jastaǵy Shubarsý aýylynyń turǵynyn qamaýǵa alý týraly sanktsııa berdi, dep habarlaıdy QazAqparat tilshisi.
Aýdandyq sottyń málimetinshe, kúdiktige QK 99 baby «Adam óltirý» boıynsha qylmystyq is qozǵalǵan. Aýyr qylmysty Oblystyq qylmystyq ister jónindegi mamandandyrylǵan aýdanaralyq sot qarayıdy dep kútilýde.
Aıta keteıik, qaıǵyly oqıǵa 23 aqpan kúni Ordabasy aýdanyndaǵy Shubarsý aýylynda bolǵan edi. Jergilikti turǵyndardyń aıtýynsha, er adam aldymen áıelin baýyzdaǵan, artynsha kómekke asyqqan anasyna da pyshaq suǵyp alǵan. Keıinnen ákesin óltirýge oqtalypty. Kishkentaı balasy bar otaǵasynyń munshalyqty zalymdyqqa ne ıtermelegeni ázirge belgisiz. Quqyq qorǵaý organdarynyń qyzmetkerleri oqıǵanyń mán-jaıyn tekserip jatyr.
