OQO-da alıment tólemeı júrgen 134 adam jumysqa turǵyzyldy
ShYMKENT. QazAqparat - Ońtústik Qazaqstan oblysynda balalaryna alıment tólemeı júrgendermen kúres kúsheıip keledi. Bıyldyń ózinde 84 boryshker ákimshilik jaýapkershilikke tartylyp, ekeýine qatysty sot úkimi shyqqan, dep habarlaıdy QazAqparat tilshisi.
Oblystyq prokýratýranyń baspasóz qyzmeti habarlaǵandaı, 612 boryshker jumyssyzdar esebinen shyǵarylyp, onyń 134 jumysqa turǵyzyldy. Osyndaı naqty sharalar qoldanýdyń arqasynda jyl basynan beri 19 mln teńgeden astam alıment bereshek qaryz óndirildi.
Qadaǵalaý organy ókilderiniń bastamasymen qolǵa alynǵan «Alıment. tólemeýge qarsy 30 qadam» jobasy aıasynda sot oryndaýshylar men ishki ister qyzmetkerleri, prokýratýra jáne basqa da ýákiletti organdar ókilderinen mobıldik toptar quryldy. Top músheleri boryshkerlerdiń mekenjaıyn anyqtap, olardan alıment óndirýdiń joldaryn qarastyrýda. Bul baǵytta týyndaıtyn máselelerdi sheship, qajet bolǵanda boryshkerlerge tyǵyryqtan shyǵýdyń jolyn kórsetedi. Sondaı-aq olardyń mindetine alıment óndirýde zańdylyqty, shynaıylyqty der kezinde oryndalýyn qamtamasyz etý júktelgen.
