OQO-da alıment tólemegen áke qamaýǵa alyndy

ShYMKENT. QazAqparat - OQO-da alıment tólemegen áke qamaýǵa alyndy. Ordabasy aýdandyq soty bir jylǵa jýyq ýaqyt balasyna kómektespegen turǵyndy ýaqytsha qamaý týraly sheshim shyǵardy, dep habarlaıdy QazAqparat HAA tilshisi.

Oblystyq sottyń baspasóz qyzmeti málimetinshe boryshker Ý.K ótken jyldyń maýsym aıynan beri alıment tólemeı kelgen. Saldarynan perzentiniń aldyndaǵy qaryzy 213 421 teńgege jetken. Nátıjesinde quqyq buzýshyǵa qatysty «Ákimshilik quqyq buzýshylyq týraly» Kodeksiniń 669-babymen is qozǵalyp, Ordabasy aýdandyq sotynda qaralǵan. Ákimshilik is materıaldary boıynsha ótken sot otyrysynda ol kinásin tolyq moıyndap, alıment tóleýge jaǵdaıym bolmady dep túsindirdi.  Sot qaýlysymen Ý.K. kináli dep tanylyp, oǵan osy bappen 4 táýlikke ákimshilik qamaqqa alynǵan.

Aýdandyq sot qyzmetkerleri eger boryshker bereshegin eki aı kóleminde qaıtarmasa, onyń ústinen qylmystyq is qozǵalatynyn aıtady. Tipti, bas bostandyǵynan aıyrylýy múmkin eken.