OQO-da alǵash ret jas rejısserlardyń «Samǵaý-2017» kınofestıvali ótti
ShYMKENT. QazAqparat - Ońtústik Qazaqstan oblysynda alǵash ret jas rejısserlardyń «Samǵaý-2017» kınofestıvali ótti. Oblystyq «Jastar resýrstyq ortalyǵynyń» uıymdastyrýymen ótken baıqaýda kórermenge oı salatyn kórkem týyndylar usynylyp, úzdikteri anyqtaldy, dep habarlaıdy QazAqparat HAA tilshisi.
Elbasymyz N.Á.Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasyn jastar arasynda nasıhattaı otyryp, ońtústiktiń daryndy jastaryn qoldaý maqsatynda uıymdastyrlǵan baıqaýǵa bastapqy kezde 100-ge jýyq kıno týyndy usynylǵan bolatyn. Solardyń arasynda 17-si iriktelip alyndy.
Festıvalǵa qtysýshy jas rejısserlar otansúıgishtik qasıetter men ishki týrızm, sport, jemqorlyq pen motıvatsııalyq, otbasylyq qundylyqtary men áleýmettik máselelerdi kótere otyryp, 20 mınýttyq qysqametrajdy beınefılmder túsirý arqyly jastarǵa oı salýdy kózdegen edi. Festıvalda ónerde ózindik orny bar azamattar qazylyq etti. Barlyq shyǵarmalardy qarap shyqqan ádil qazylar úzdik rejısserlardy marapattady. 
Baıqaýda «Oılan», «Baryńdy baǵala», «Igra sýdby» jáne «Ǵaısha» atty qysqametrajdy fılmderi kórermen kóńilinen shyqty. Tórt saǵattan astam ýaqytqa sozylǵan kınofestıvalde «Shyńyraý» atty týyndy top jaryp, bas júlde men 500 myń teńgeni ıemdendi.
Al, birinshi oryn «Baryńdy baǵala» fılmi men eń jas rejısser Raýan Ahmedovtyń týyndysy laıyq dep tanyldy. Sóıtip 400 myń teńge júldege ıe boldy. Ekinshi oryn men 300 myń teńge syıaqyny Nurǵısa Agıbaevtyń «Igra sýdby» fılmi enshilese, úshinshi oryn men 200 myń teńge yntalandyrý syılyǵy «Áke» fılminiń rejısseryna berildi. Festıvaldiń ótýine muryndyq bolǵan «Jastar resýrstyq ortalyǵy» endi ıgi sharany dástúrge aınalsaq dep otyr.
