OQO-da alǵash ret qyrkúıekte qar jaýdy
ShYMKENT. QazAqparat - Ońtústik Qazaqstan obylysynda alǵash ret ret qyrkúıekte qar jaýdy. Aq ulpa óńirdiń taýly degen Tóle bı,Túlkibas aýdandaryna jaýǵan, dep habarlaıdy QazAqparat tilshisi.
Turǵyndar jaýǵan qardyń sýretin áleýmettik jelide jarııalaýda. Kesheli beri kún kúrt sýytqan óńirde jaýynnyń sońy osylaısha qarǵa ulasty. Elimizdiń soltústik jáne ortalyq oblystarynda qar qyrkúıektiń 23-i kúni jaýǵan bolatyn. Sonyń sýyǵy endi ońtústik óńirge de kelip jetti.
Taýly aýdannyń turǵyndary qardyń jaýatynyn kútpegendikten, oǵan asa qýana qoımady. Sebebi, jergilikti turǵyndar qysqy otyndy ázirlep úlgermegen edi. Al sınoptıkter bolsa apta basynda el aýmaǵynda aýa raıy qubylyp, kúnniń sýytatynyn, jańbyrdyń sońy qarǵa ulasatynyn habarlaǵan bolatyn.
Búgin de dabyldy eskertý jasaldy. 29 qyrkúıekte túnde Ońtústik Qazaqstan oblysynyń taýly jerlerinde qatty jaýyn-shashyn kútiledi. Jańbyrdyń sońy sýly qarǵa aýysady dep boljanǵan. Táýlik boıy keı jerlerde soltústik-batystan 15-20, ekpini 23-28 m/s jeldiń kúsheıýi saqtalatyny eskertildi. Al, qyrkúıektiń 29-nan 30-na qaraǵan túni aýa temperatýrasy keı jerlerde 3 gradýsqa deıin tómendeıdi.
