OQO-da alǵash ret «Dostyq kókpary» uıymdastyryldy
ShYMKENT. QazAqparat - Ońtústik Qazaqstan oblysynda alǵash ret «Dostyq kókpary» uıymdastyryldy. Túrli ult ókilderi jastarynyń basyn qosqan ulttyq oıynnyń ótýine oblystyq Qazaqstan halqy Assambleıasy men oblys ákimdigine qarasty «Qoǵamdyq kelisim» mekemesi muryndyq boldy, dep habarlaıdy QazAqparat tilshisi.
Maqtaaral aýdanynda ótken ulttyq oıynǵa elýden astam shabandoz qatysty. Ulttyq qundylyqtardy nasıhattaý ári jastar arasynda dostyqty nyǵaıtý maqsatynda ótken sharanyń ashylý saltanatynda Maqtaaral aýdanynyń ákimi Ǵalym Ismaılov pen «Qoǵamdyq kelisim» mekemesiniń basshylary sóz sóılep, shabandozdarǵa sáttilik tiledi.
«Ońtústiktiń jastary arasynda buryn-sońdy mundaı «Dostyq kókpary» ótpegen. Jarysqa túrli etnos jastary qatysyp otyr. Bul oıyn salaýatty ómir saltyn qalyptastyrýmen qatar, jastardyń ózara tatýlyq pen yntymaǵyn arttyrady. Ulttyq sportty ulyqtaýǵa arnalǵan sharalar aldaǵy ýaqytta da jalǵasady dep senemin», - dedi Maqtaral aýdanynyń ákimi Ǵalym Ismaılov.
Kókparda «Yntymaq», «Birlik», «Dostyq», «Baıshubar» dep atalatyn tórt komandanyń at qulaǵynda oınaǵan palýan jigitteri bas júldeni jeńip alý úshin baryn saldy. Tartysty oıynnan erekshe áser alǵan kópshilik jarysty sońyna deıin tapjylmaı tamashalady. Oıyn sońynda jeńimpazdar men júldegerlerge uıymdastyrýshylar tarapynan dıplom jáne qarjylaı syıaqy tabys etildi. Sonymen qatar, oıyn barysynda eptiligimen kózge túsken shabandozdar da arnaıy nomınatsııalarmen marapattaldy.
