OQO-da alaıaqtar jurtty aldaýdyń jańa tásilin tapqan
ShYMKENT. QazAqparat - OQO polıtseıleri alaıaqtyqpen aınalysqan eki kúdiktini ustady, dep habarlaıdy ІІD Memlekettik til jáne aqparat basqarmasy.
Saıram AІІB-nyń kezekshi bólimine Qarabulaq aýylynyń birneshe turǵyndary aryzdandy. Olar belgisiz tulǵalardyń alaıaqtyq jolmen aqshalaryn ıemdenip, izderin sýytqanyn kórsetken. Atalǵan jaıt QR QK-niń 190 baby «Alaıaqtyq» boıynsha Saıram AІІB-nyń SDTBT-ne tirkeldi.
Saıram AІІB-nyń jedel-izdestirý is-sharalarynyń júrgizý barysynda Shymkent qalasynyń 1973 jáne 1980 j.t. turǵyndary ustaldy. Tergeý barysynda qolǵa túsken tulǵalardyń alaıaqtyqtyń 4 jaıtyna qatysy bar ekendigi anyqtaldy.
Olar arnaıy oılastyrylǵan júıe boıynsha jumys jasaǵan. Bazardyń janyna bir býma aqsha tastap, syrtynan baqylap turǵan. Kezekti qurban aqshany alyp jatqan kezde, iske alaıaqtardyń ózi kirisedi. Bireýi aqsha tapqan adamǵa kelip, aqshamen bólisýdi usynady, al ekinshisi onyń «joǵalǵan» aqshasyn qaıtarýdy suraıdy. Nátıjesinde er azamattar jábirlenýshiniń aqshasyn alaıaqtyq jolmen alyp ketedi. Mysalǵa, Túlkibas aýdanynyń 1983 j.t. azamatynan osyndaı jolmen 360 myń teńgesin jymqyryp ketken.
Qazirgi tańda QR QK-niń 190 baby «Alaıaqtyq» boıynsha qylmystyq is qozǵaldy. Kúdiktiler qamaýǵa alyndy. Sotqa deıingi tergeý amaldary júrgizilýde.
