OQO-da alaıaq jurtty jumysqa turǵyzamyn dep 5 mln teńgeni qaltaǵa basqan
ShYMKENT. QazAqparat - Ońtústik Qazaqstan oblysynda jurtty jumysqa turǵyzamyn dep 5 mln teńgeni qoldy etken alaıaq ustaldy. Qazirdiń ózinde 28 jastaǵy turǵynnyń alaıaqtyqqa qatysty 10 qylmysqa qatystylyǵy anyqtalyp otyr, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, seziktini ustaýǵa jergilikti turǵyndardyń aryzy sebep bolǵan.
«Ondaǵan adam beıtanys er adam jumysqa turǵyzyp beremin dep qomaqty qarjysyn alyp ketkenin aıtqan. Jábirlenýshilerdiń sózinshe, alaıaq ózin «quqyqqorǵaý organynyń qyzmetkerimin» dep tanystyryp, jurttyń senimine kiripti. Sóıtip bir adamnyń ózinen jarty mıllıonnan astam teńgesin alyp, aldap ketken» delingen baspasóz habarlamasynda.
Jedel-izdestirý sharalarynyń barysynda Maqtaaral aýdandyq 1-shi polıtsııa bóliminiń qyzmetkerleri kúdikti retinde 1990 jyly týǵan jumyssyz, jergilikti turǵyndy ustaǵan. Qazir osy jaıtqa qatysty Qylmystyq kodekstiń 190-shy «Alaıaqtyq» babymen is qozǵalyp, polıtseıler sotqa deıingi tergep-tekserý jumystaryn júrgizýde. Jınaqtalǵan qujattar sotqa joldandy.
