OQO-da alaıaq «joǵary jaqta tanysym bar» dep jurttyń 20 mln teńgesin jymqyryp ketken
ShYMKENT. QazAqparat - Ońtústik Qazaqstan oblysynda alaıaq turǵyndardyń senimine kirip, 20 mln teńgeni jymqyrǵan. Jumyssyz júrgen kúdikti halyqty shamasy kelgenshe aldap, sazǵa otyrǵyzyp ketken, dep habarlaıdy QazAqparat HAA tilshisi.
Belgili bolǵandaı, Saıram aýdandyq ІІB-na jergilikti turǵyn aryzdanǵan. Ol esiginiń aldyndaǵy maldyń basyn kóbeıtip beremin degen tanysyna 6,5 mln teńge turatyn 16 jylqysyn bergenin aıtypty. Keıinnen bergen ýádesinde turmaı, jylqylardy da, aqshasyn da qaıtarmaǵan. Osy aryzdan keıin aýdandyq polıtsııa qyzmetkerleri alaıaq kisini qolǵa túsirdi.
Tergeý barysynda onyń osy jyldyń sáýir aıynda Túrkistan qalasy turǵynynan polıtsııa qyzmetine jumysqa kirgizemin dep 20 myń AQSh dollaryn alǵany anyqtaldy. Sezikti osylaısha úsh adamdy taqyrǵa otyrǵyzyp ketipti. Jábirlenýshilerdi ol «joǵary jaqta myqty kókem bar» dep sendirgen bolyp shyqty. Qazirgi tańda qolǵa túsken kúdiktiniń ústinen Qylmystyq kodekstiń 190-baby «Alaıaqtyq» jáne 189-baby «Bótenniń múlkin jymqyrmen» is qozǵalyp, tergeý amaldary júrgizilýde.
Sondaı-aq onyń ózge de qylmystarǵa bar-joqtyǵy tekserilip jatyr.
