OQO-da Alash avtonomııasynyń 100 jyldyǵyna oraı jıyn ótti

ShYMKENT. QazAqparat - Ońtústik Qazaqstan oblysynda Alash avtonomııasynyń qurylǵanyna 100 jyl tolýyna oraı saltanatty jıyn ótti. Kıeli Otyrar jerinde uıymdastyrylǵan konferentsııada alys-jaqyn shetelder men Almaty, Astana qalalarynyń ǵalymdary bas qosty, dep habarlaıdy QazAqparat HAA tilshisi.

Memleket basshysynyń «Bolashaqqa baǵdar: rýhanı jańǵyrý» maqalasy aıasynda uıymdastyrylǵan shara ǵalymdardyń Qoja Ahmet ıAsaýıdyń rýhyna taǵzym etip, keseneniń qazirgi kelbetin kórip shyǵýynan bastaldy. Al, arnaıy konferentsııada Alash zııalylarynyń erjúrektigi men otansúıgishtigin erekshe eske aldy. Olardyń ómiri men qyzmeti osy ońtústik óńirimen tikeleı baılanysty ekenin atap ótti.

Aıtýly sharaǵa ǵalym, akademıkterden bólek, jýrnalıster men aqyndar da qatysty. Olar ulttyń uly perzentterin tanyp, bilý, olardy ardaq tutý búgingi urpaqtyń azamattyq mindeti dep erekshe toqtaldy.

Otyrar jerinde sondaı-aq Álıhan Bókeıhanov bastaǵan Alash zııalylarynyń rýhyna arnap, quran baǵyshtaldy. Qonaqtarǵa saltanatty qonaqasy berildi.   

Jalpy, qasıetti mekende órbigen shara eldiń dástúrin dáriptep, rýhanı jańǵyrýdy negizge aldy. Ult tarıhyn, demokratııashyl memlekettiń negizin qalaýshylardyń biri retinde Alash zııalylary ult jadynda máńgi saqtalatyny sóz boldy.