OQO-da AgriTek Shymkent'2016» V halyqaralyq mamandandyrylǵan aýyl sharýashylyǵy kórmesi ótýde
ShYMKENT. QazAqparat - Búgin Ońtústik Qazaqstanda «AgriTek Shymkent'2016» V halyqaralyq mamandandyrylǵan aýyl sharýashylyǵy kórmesi jumysyn bastady, dep habarlaıdy oblys ákimdiginiń baspasóz qyzmeti.
Sharanyń saltanatty ashylý rásimine qatysqan oblys ákimi Janseıit Túımebaev aýyl sharýashylyǵy salasy mańyzdy bolyp tabylatyn óńir úshin mundaı kórmelerdi uıymdastyrýdyń qajettigine toqtaldy.
«Ońtústik Qazaqstan oblysy respýblıkadaǵy aýyl sharýashylyǵy salasynyń lokomatıvine aınalyp keledi. Sońǵy 3 jylda baqsha daqyldarynyń jyl saıynǵy jınalýy 1 mln. tonnadan asty. Respýblıkadaǵy jylyjaı sharýashylyqtarynyń 87℅ bizdiń óńirde ornalasqan. Oblys respýblıka boıynsha maqta kóleminiń 100℅, júzim men baqsha daqyldary kóleminiń 70℅ quraıdy», - dedi J.Túımebaev.
Halyqaralyq sharada Qazaqstannan bólek, Reseı, Túrkııa, Germanııa, Ispanııa, Ulybrıtanııa syndy elderdiń kompanııalary kelýshilerge óz ónimderin usyndy. Atap aıtqanda, sharaǵa qatysyp jatqan 50-den astam kompanııa ókilderi aýylsharýashylyq tehnıkasy men jabdyqtaryn, qosalqy bólshekterdi, sýarý jáne tyńaıtý tehnologııalaryn, jylyjaılardy, tuqymdar men ekpelerdi, tyńaıtqyshtardy, ósimdikterdi qorǵaý quraldaryn, mal sharýashylyǵyna arnalǵan tehnologııalardy, veterınarlyq tehnologııalardy ońtústikqazaqstandyq kásipkerlerge keńinen tanystyrdy.
Kórmeni aralaý barysynda oblys ákimi otandyq taýar óndirýshilerdiń ónimderine aıryqsha kóńil bólip, ony ótkizýdiń túrli joldaryn qarastyrý arqyly saýda-sattyqty jandandyrý qajettigin aıtty.
Osy arada óńirdiń aýyl sharýashylyǵyndaǵy jetistikterine toqtala ketken jón. Bıyl aımaqtaǵy ósimdik sharýashylyǵy salasyn ártaraptandyrý nátıjesinde 1991 jylmen salystyrǵanda baý-baqsha daqyldarynyń egis alańy 49 myń ga-ǵa ulǵaıyp, 59 myń ga qurady. ıAǵnı, kókónister kólemi 27 myń gektarǵa kóbeıip, 40,4 myń ga boldy. Sondaı-aq, jemis-jıdek daqyldary men júzimniń egistik alańy 30 myń ga jetti.
Bıylǵy maýsymda jınalǵan jemis-jıdek daqyldarynyń túsimdiligi 85,0 ts/ga bolsa, júzim 100 ts/ga qurady. Jalpy jınalǵan jemis-jıdek kólemi 126 myń tonna, al júzim - 63 myń. tonnany qurady.
Agroónerkásip kesheni mamandarynyń ózara tájirıbe almasyp, jańa tehnologııalarmen bólisý, sonymen qatar, birlesken bıznes-jobalardy qurýyn maqsat tutqan kórme 11 qarashaǵa deıin jalǵasady.
